NAMNA MTU ANAVYOWEZA KUZUIA BARAKA ZAKE NA KUHARIBU MAHUSIANO YAKE NA MUNGU

haijalishi mtu ameokoka, na anamuamini yesu kwa viwango gani! Lakini anaweza kuharibu mahusiano yake na MUNGU, na kuzuia baraka za MUNGU zisimfikie.

SABABU YA (1)
utamkuta mtu anatumia muda mwingi kufuatilia habari za watu wengine, kuliko kufuatilia habari za yesu kristo.
Mtu wa namna hiyo hujitahidi kuchimbua na kutaka kujua sili za maisha ya watu wengine_  wanatokaje na wanaingiaje, wanakula nini, wanavaa nini, nk, lakini hua hayuko makini kuangalia habari zake kwamba kwanini hapigi hatua, na kwa nini bado hajafika katika viwango anavyotamani kuvifikia kimaendeleo.
Hivyo basi! Huuutumia muda mwingi kujishughulisha kwa mambo  ya wengine, kuliko mambo Ya MUNGU na mambo yake mwenyewe, kwa sababu hiyo huharibu mahusiano yake na MUNGU,  na kuzuia baraka zake kutoka kwa BWANA.

SABABU YA (2)
Mtu anaejenga chuki dhidi Ya alie fanikiwa.
Utamkuta mtu anajenga chuki dhidi ya mtu aliefanikiwa, na kuanza kumuwazia na kumsema vibaya, badara ya kukuaa nae karibu ili achunguze na ajifunze namna gani alifanikiwa mwenzie.
Kwa namna hiyo mtu huyo huharibu mahusiano yake na MUNGU, na kuzuia baraka zake kutoka kwa BWANA.

SABABU YA (3)
kuingilia mahusiano ya mtu alie barikiwa na MUNGU wake.
Namaanisha (mtu na mungu wake).
Mtu anaweza kuzuia baraka zake, na kuharibu mahusiano yake na MUNGU pale tu! Anapojihusisha kuyasema vibaya mahusiano ya m'barikiwa na MUNGU wake.
Kwakua ikumbukwe kua kila jambo lina wakati wake, namaanisha kua kila mtu anao wakati wake wa kufanikwa, na kila mtu anao wakati wake wa kupokea baraka zake kutoka kwa BWANA, hivyo basi! Hakuna mtu mwingine anaeweza kuzuia baraka za m'barikiwa wakati ukifika.
Ispokua hasara yaweza kumpata mtu yule ambae huzidi kujitaabisha kwa kuyasema vibaya mahusiano ya   m'barikiwa na MUNGU wake, kwa kupoteza mahusiano yake na MUNGU na kujizuilia baraka zake mwenyewe.

KITU CHA KUFANYA ILI KUMALIZA TATIZO NI_
(1)kuishi maisha matakatifu.
(2)kumpenda m'barikiwa.
(3)kukaa karibu na alie barikiwa, ili kujifunza mbinu, maarifa, namna yeye alivyo weza kupokea baraka kutoka kwa BWANA.

Kwakufanya hivyo kunaweza kumfanya mtu awe na mahusiano mazuri na MUNGU wake, na kumfanya mtu huyo aweze kupokea baraka zake kutoka kwa BWANA.
❤❤❤❤❤❤❤❤❤❤❤❤❤

JE! MTU ANAWEZA KUFANYA BIASHARA KWA MTAJI MDOGO?

Watu wengi wamekua wakishindwa kufanya biashara, kwa kudharau kiwango kidogo cha pesa (mtaji) walichonacho.
Wengine wanadhani kua ni lazima uwe na kiasi kikubwa cha pesa (mtaji) ndipo ufanye biashara, jambo ambalo sio sahihi.

Upo uwezekano wa mtaji mdogo kuufanyia biashara hata ukakua na kuzidi sana.
Pesa ndogo (mtaji) aliyonayo mtu anaweza kuifanyia biashara kwa viwango vilevile, kutokana na mazingira, na uhitaji wa watu waliopo sehem husika.
Kwamfano_ maeneo ya nyumbani, zinaweza kufanyika biashara kama vile, kuuza mkaa, kuuza matunda, kuuza nyanya vitunguu mbogamboga, kuuza vitumbua maandazi, na vitu vingine vidogo vidogo ambavyo ni mhim kwenye jamii inayoishi maeneo hayo.
Na biashara kama hizo hazihitaji mtaji mkubwa, bali kiasi kidogo tu cha fedha kinatosha kufanya hivyo.
Kwa mfano_ maeneo ya sokoni, zinaweza kufanyika biashara kama vile, kuuza samaki, kuuza mboga mboga, kuuza miwa, kuuza matunda, kuuza mchele, nk, biashara ndogo ndogo tu kulingana na mtaji alio nao mhusika.
Mfano_ Maeneo ya stendi ya mabasi au stesheni, zinaweza kufanyika biashara za kutembeza kwa namna ya umachinga kama vile, kuuza matunda, kuuza maji kandoro au maji poa, kuuza soda biskuti pipi keki, kuuza karanga.
Kuuza pafym betr mikanda porch toch memory card soks.
Biashara kama hizo hazihitaji mtaji mkubwa, bali fedha kidogo tu inaweza kufanya hivyo.

Wakati mwingine kinacho wafanya watu wasifanye biashara kwa kiwango cha pesa kidogo walicho nacho, ni kuzinyanyapaa biashara.
Kwani mtu mwingine hataki aonekane anauza mkaa, anahisi kua atashushwa thamani.
Au hataki kuuza karanga au ndizi au machungwa tena kwa kutembeza kwenye jua anahisi kama atadhalilika.
Mtu mwinge hataki hata kufanya biashara za kimachinga kwa kujiona kua yeye ni bora kuliko wengine, kumbe haohao wafanya biashara ndogo ndogo hufanya biashara kwa faida kabisa, tena kuna watu wamejenga nyumba za maana kwa kazi hizo hizo ndogondogo, tena kuna watu wanasomesha watoto wao kwa kazi hizo hizo.
Lakini mtu mjinga hudharau afanyacho mwingine.
Ni vizuri kijiuliza mbona yule anafanya kazi ile? Na huyu anafanya kazi hii? Kwanini, na ni kipi wanapata humo kwenye kazi hizo?
Na ni vizuri kujiuliza, mbona yule ni mtu kama mimi, tena ni kijana mwanamke au mwanamme kama mimi, mbona anafanya kazi ile, je! Mimi ni bora kuliko yeye?
Mtu akijiuliza maswali ya namna hiyo bila shaka atafunguka, atatoka kwenye giza la ujinga na kujua nini cha kufanya, na hata akiwa na kiasi kidogo cha pesa ataanza kukifanyia biashara yoyote itakayo kuwa sawa na kiwango kile, bila kujali anatazamwa vipi na watu.

Kumbe kiasi kidogo cha pesa kinaweza kufanya biashara kwa kiwango kama kilivyo, na hatimae kuja kuwa mtaji mkubwa.

MATESO YA LAANA.

Laana ni nguvu ya uharibifu itendayo kazi, ambayo humpata mtu kutoka sehem frani, laana humpata mtu kwa kusababishwa.
Laana humtoa mtu kwenye mafanikio yake, laana hua inaharibu kila kitu kizuri cha mtu, laana pia ndio chanzo cha mikosi.

kazi ya laana ni nini?
Kazi ya laana ni kuharibu kabisa maisha ya mtu na kumfanya duni.
Kama vile_ mtu anaweza kuwa na laana ya umaskini, kila kazi atakayo ifanya haitampa kipato cha kukidhi mahitaji yake, maana yake laana inakula kipato.
Pia mtu anaweza akawa na magonjwa ya laana, magonjwa ya namna hiyo husumbua sana kwani hayawi kama magonjwa ya kawaida.
Pia mtu anaweza kuwa na tabia za laana, mtu wa namna hiyo lazima awe msumbufu dhidi ya watu wa karibu nae.
Yapo mambo mengine mengi ambayo yanaweza kumpata mtu kwa sababu ya laana, kama vile ajali, vifungo, utoro, misiba, nk, ili mradi tu ni mambo yanayo mtesa mtu.

Chanzo cha laana ni nini?  Au laana hutoka wapi?
Zipo sehem tofauti tofauti ambazo husababisha laana kwa mtu.

Kwanza_ mtu anaweza kupata laana kutoka kwenye ukoo wao, kwa akina baba na mama au babu, au baba wa babu yake. Huenda wazee wale kuna maagano waliyo wekeana na mashetani, hivyo mashetani huendelea kufuatilia maagano ndani ya kizazi hicho.

Namna ya pili_ mtu anaweza kupata laana ya kutamkiwa au kufanyiwa na watu wa kawaida tu kama maadui.

Namna ya tatu_ mtu anaweza kupata laana kwa dhambi zake mwenyewe alizotenda.

Namna ya nne_ mtu anaweza kuwa na laana ya bahati mbaya, kama vile anatembea njiani anapita sehem ambayo watu walienda kujioshea hizo laana na mikosi kwa waganga wa kienyeji, hivyo akazikwaa hizo laana kwa bahati mbaya.

Namna ya tano_ mtu anaweza akawa na laana ya kisasi dhidi ya watu alio wakosea, alio watendea vibaya, wakaamua kulipiza kisasi.

Mtu mwenye laana huishi maisha yasiyo na mafanikio, maisha ya umaskini, magonjwa, vifungo, utoro, misiba, upweke, ajali, wakati mwingine hata kuchukiwa na watu.

Mtu anaweza akawa ameokoka, hana dhambi, na mbinguni atakwenda, lakini akawa bado kuna laana Imemng'ang'ania bila yeye kujua.
Ipo namna ya kujiondoa katika laana, na kuwa huru kabisa, ni maombi, lakini ni maombi ya namna tofauti ambayo yanahitaji maarifa.
Sio kila maombi yanaweza kumtoa mtu kwenye laana.

             Somo hili litaendelea.

SABABU ZINAZOWEZA KUMFANYA MTU AWE MASIKINI NA MUHITAJI

Wakati mwingine umaskini au uhitaji wa mtu, hutokana na matokeo ya makosa anayofanya mtu mwenyewe, mhusika.
Kwakua huenda kukawa na furusa nyingi za kujikomboa, mtu anaziona, lakini mtu mwenyewe akawa hataki kuzitendea kazi, japokua hali yake ni duni, na yenye uhitaji mkubwa mno.
Basi umaskini na uhitaji unaweza kumuandama mtu wa namna hiyo kwa sababu ya ujinga wake mwenyewe, na wala mtu huyo asije mlaumu MUNGU.

baadhi ya mambo yanayoweza kumfanya mtu aendelee kuwa maskini na muhitaji ni kama haya yafuatayo_......

1_kuchagua kazi.
Kuna mtu hujifanya kuchagua kazi za kufanya, hutamani kufanya kazi kubwa kubwa, au zile zinazo onekana kua zenye kuheshimisha mbele za wengine, ili aonekane kua yupo juu, au ni mtu wa maana, hunyanyapaa sana kazi ndogondogo na kuwaona wanaozifanya kama hawana maana, au hawana thamani, au ni wajinga. Mtu wa namna hiyo hutamani mambo makubwa kabra ya wakati wake, hivyo husubiri sana kufikia viwango hivyo, bila mafanikio, hupoteza muda mwingi kwa kukaa na kungoja, na matokeo yake huambulia umaskini na uhitaji wa kutosha.

2_kuudharau mtaji mdogo.
Mtu mwingine hudharau pesa kidogo aliyonayo kwamba haiwezi kufanya biashara yoyote, hivyo huitumia hovyo hovyo na kuimaliza, huku akisubiria kupata pesa nyingi ili afanye biashara kubwa kubwa, huendelea kusubiria kupata mtaji mkubwa bila mafanikio yoyote, hatimae hali yake huzidi kuwa mbaya, hivyo umaskini na uhitaji wa kutosha huzidi kumuandama.

3_mtazamo wa kuajiriwa.
Mtu mwingine ameelekeza fikra zake kwenye kuajiriwa, na hana mtazamo wa kujiajiri mwenyewe.
Hivyo basi! Mtu wa namna hiyo huwa haisumbuwi akili yake kufikiria namna gani aweze kujiajiri, husubiria sana kupata ajira kutoka kwa watu wenye vipato, wenye nafasi zao, hungojea sana kwa muda mrefu bila mafanikio, mwishowe hali yake mtu wa namna hii huzidi kuwa mbaya, hivyo umaskini na uhitaji huzidi kumtesa mtu huyo.

4_uvivu.
Mtu mwinge anayo bahati ya kupendwa na watu, wanampatia kazi, ajira, lakini mtu huyo ni mvivu, hataki kujituma, hataki kufanya kazi kwa viwango vya kumridhisha tajiri yake.
Wakati mwingine hasara zinatokea kazini kwake kwa sababu ya uvivu unaopelekea utendaji kazi wake kuwa m'baya, hivyo matajiri kughaili kumuajiri kutokana na uvivu wake.
Ni mvivu hata kwenye kazi zake mwenyewe, hataki kufanya kazi kwa muda na wakati sahihi.
Mtu wa namna hiyo bila shaka atakua maskini na muhitaji wa kutupa.

5_matumizi zaidi ya kipato.
Matumizi zaidi ya kipato, yanaweza kumfanya mtu azidi kuwa maskini na muhitaji kila siku.
Kwa mfano kijana ana shilingi elfu kumi, anataka kuvaa 👖 jeans ya elfu kumi na nane, hivyo atakua mtumwa wa nguo, mpaka deni la elfu nane atakapo lipa.
Kwa mfano kuna mtu anapenda maisha ya mashindano katika matumizi, dhidi ya mtu wa wakaribu, bila kujua kua yule anaefanya nae mashindano anamzidi kipato, pia bila kuangalia kua matumizi anayofanya yatamuathiri kwa kiasi gani.
Pia mtu huyo anapenda starehe za anasa hata zina athiri kipato.
Hivyo huishi maisha ya umaskini na uhitaji kila siku.

Mtu yeyote anaweza kujikomboa dhidi ya umaskini na uhitaji, endapo tu ataamua kujikomboa.
Watu wengi wamekua wakidhani kua ni mpango wa mungu kuwa vile walivyo, kumbe inaweza ikawa sivyo, kwakua sio mpango wa MUNGU watu wawe maskini, bali WATU WA MUNGU WANA ANGAMIA KWA KUKOSA MAALIFA.
Badhi ya watu hudhani kua baraka za MUNGU huja kama miujiza, kumbe sivyo, baraka za MUNGU zitawafikia watu endapo watawajibika, watafanya kazi. Maana imeandikwa kua MUNGU atabariki kazi za mikono ya hao watakao fanya kazi, tena kwa bidii,  na sio kwa ulegevu. Hivyo basi! Mtu yeyote asie fanya kazi, asitegemee kuziona baraka za MUNGU kwake.
Kwakua ahadi za MUNGU kumuinua mtu yeyote kiuchumi ni lazima zipitie kwenye KUFANYA KAZI.

haijalishi ni kazi ya namna gani, maadam iwe kazi halali, inatakiwa mtu anaetaka kubarikiwa aifanye, bila kujali kutazamwa na watu, ili mtu huyo abarikiwe, na atoke kwenye umaskini na uhitaji.

TOFAUTI YA MALAIKA NA MAJINI

kuna watu wanadhani majini ni viumbe wema, hata wamejitahidi kutengeneza mazingira rafiki dhidi yao na majini, lakini ukweli ni kwamba majini ni viumbe waovu ambao wapo upande wa shetani, hivyo mtu yeyote akijishikamanisha na majini amekua upande wa shetani.

CHIMBUKO LA MAJINI NI NINI?
hapo mwanzo kabla shetani hajamuasi MUNGU, majini walikua malaika.
Majini ni wale malaika walio muasi MUNGU wakiwa na shetani.
Shetani alipo asi, alianza kupiga kampeni /kuwalaghai malaika, na alifanikisha kwa sehem, alipata theruthi moja, yaani 1/3 ya malaika walio msikiliza na kua upande wake.
Hivyo katika idadi ya malaika wote walio kuwepo, MUNGU alibakia na theruthi mbili yaani 2/3 hao ndio malaika waliobakia na MUNGU mbinguni, ambao hawakukubali kushawishiwa na shetani.

Baada ya shetani kuasi, ilibidi afukuzwe mbinguni, ambapo alipewa makazi kuzimu chini ya aridhi, ambapo ndipo anapoishi yeye na wale malaika walio mkubali, ambao wanaitwa majini.
Majini hao ni watumishi wa shetani, kama vile malaika walivyo watumishi wa MUNGU.
Hivyo basi! Majini hutekeleza  kufanya kazi sawasawa na maagizo ya mkuu wao shetani.
Na ikumbukwe kua hakuna jambo jema kutoka kwa shetani, na tena majini hawawezi kufanya tofauti na na maagizo ya mkuu wao shetani.
Hivyo basi! Majini ni waovu kama alivyo mkuu wao shetani.

Kuna watu hua wanadhani majini ni viumbe wema, la! Hapana! Majini sio viumbe wema. Majini hujifanya wanamsaidia mtu, kumbe lengo lao ni kumtoa mtu karibu na MUNGU, ili mtu huyo awe upande wa shetani.
Ikumbukwe kua kama shetani alivyotamani kumiliki mbinguni akashindwa, basi! Tamaa yake bado inaendelea, na sasa anatamani watu wote wawe mali yake, ili MUNGU akose watu kabisaa! Lakini hatoweza kufanya hivyo kwakua MUNGU awajua walio wake.

Majini ni roho, roho inaweza kuvaa umbo la namna yoyote, jini linaweza kujigeuza binadam mwanamme au mwanamke, likaolewa au likaoa.
Lakini hayo yote haliyafanyi kwa wema, bali ni mbinu za kujiweka karibu na mtu ili limpate kirahisi.
Lakini malaika hawapo namna hiyo kwakua wao hawana kuoa wala kuolewa, bali wao huishi maisha matakatifu kama aishivyo MUNGU wao.

Hivyo basi! Mtu yeyote anaedhani kua eti majini ni viumbe wema, mtu huyo anakosea, au hajui, lakini kujua hutokana na kufundishwa, hivyo somo hili litamfanya aliekua hajui tofauti ya majini na malaika ajue, endapo atasoma somo hili.

Malaika ni watumishi wa MUNGU.
Majini ni watumishi wa shetani.
Hizo ni falme mbili tofauti, hazipatani, wala hazichangamani.

MUNGU YUPO KWA MTU KULINGANA NA VIWANGO VYA MTU AMJUAVYO MUNGU.

MUNGU yupo Kwa mtu, au MUNGU hutenda kazi kwa mtu, kulingana na viwango ambavyo mtu amempa, amemuamini, au amjuavyo.
Bila shaka hakuna jambo lolote gumu la kumshinda MUNGU, kila jambo ni jepesi kwa MUNGU.
ila kuna baadhi ya watu wamempa MUNGU nafasi kidogo ya utendaji kazi, kwamba yapo mambo awezayo kufanya, na mengine hawezi kufanya, utaskia wakisema_ jisaidie na MUNGU akusaidie, hiyo inamaanisha kwamba MUNGU anaweza kusaidiwa, kitu ambacho si sahihi.
Uweza wa MUNGU ni mkuu sana, hakuna jambo lolote linaloweza kushindana na uweza wa MUNGU likashinda.
Kwa mfano:..... Kuna watu wanaamini kwamba kwa jina la yesu mapepo yanaondoka na mtu anakua mzima, lakini watu haohao wanashindwa kuamini kua kwa jina la yesu mgonjwa wa ukimwi anapona.
Kwa mfano:...... Kuna watu wanaamini kwamba MUNGU anabariki, lakini haohao wanakwenda kwa waganga wa kienyeji kutafuta dawa eti za kuwafanya wafanikiwe.
Kuna watu wanaingia makanisani kwa bidii Sana lakini bado hawajavijua viwango vya MUNGU kwenye utendaji kazi wake.
Hakika ni hasara kubwa kwa watu ambao wana muda mrefu, pia wana bidii kwenda kanisani na kutoa sadaka, lakini bado hawakui katika imani ya kufaham viwango vya utendaji kazi wa MUNGU, kweli kuna hasara kwa watu wa namna hiyo, kwakua wanaweza kuzikosa haki zao kutoka kwa BWANA kwakua tu viwango vyao havikui katika kumjua MUNGU.

MUNGU hutenda kazi kwa mtu kulingana na viwango mtu amjuavyo.
MUNGU hua anaonekana kwa mtu kulingana na viwango vya imani alivyo navyo mtu mwenyewe.

Mtu alie okoka, akikaa kanisani kwa muda mrefu bila mabadiliko, ya kutoka sehem kwenda sehem nyingine, yaani kutoka chini kwenda juu, basi mtu huyo ni mzembe, tena ni mvivu wa kuyafanyia kazi yale ambayo hua anafundishwa kanisani.
Wapo watu watakao okoka nyuma yake, wakiyatendea kazi yale wafundishwayo, MUNGU atajidhihirisha kwao kwa viwango vikubwa, kuliko hata yule walie mkuta akiwa kanisani kwa muda mrefu.
Inashangaza sana mtu yupo kanisani kwa muda mrefu, miaka kadhaa, lakini mtu huyo hata kumuombea mgonjwa hawezi, Hata yeye kujiombea au kuiombea familia yake hawezi.
Tena inaskitisha mtu yupo kanisani kwa muda mrefu, miaka kadhaa, lakini bado hali ya uchumi ya mtu huyo ni duni. Wengine wanakuja nyuma yake, wanajifunza maarifa ya kimungu, wanayaweka kwenye vitendo, tayari wana inuliwa.

Kwanini watu wengi hawafiki kule wanapotaka kufika?
              Ni kwasababu hawamruhusu MUNGU awafikishe, bali wanaona kana kwamba MUNGU pekee hawezi kuwafikisha, ispokua wamsaidie.
Hiyo inatokana na kutojua ukuu wa viwango vya MUNGU vya utendaji kazi vile ulivyo.

Kuna watu wana matatizo makubwa makubwa, lakini wameshindwa kumkabidhi MUNGU matatizo yao, badara yake wameendelea kutafuta suruhu sehem mbalimbali ambapo hata msaada umekosekana kwa sababu hawampi MUNGU nafasi kubwa anayostahili ili awatatulie shida zao. Wanadhani MUNGU hawezi.

MUNGU pekee anajitoshereza. Hahitaji kitu au mtu yeyote kumsaidia, japo watu wengi wanadhani kwamba lazima kujisaidia ili na MUNGU awasaidie.
Ikumbukwe kua, MUNGU yuko juu ya vyote, na kila kitu kipo kwa uweza wake, je! Kuna jambo la kumshinda yeye? Hakuna.

Basi!
        MUNGU YUPO KWA MTU, KWA VIWANGO VILE MTU AMJUAVYO.

KUNA NGUVU MBILI ZA KIROHO KWENYE MAFANIKIO

mafanikio aliyo nayo mtu, yana tokana na nguvu za kiroho alizo nazo mtu.
Kila mtu anao upande mmoja wa kiroho kati ya mbili, ambapo ndipo huenda kuchukua mafanikio yake.

Kuna nguvu  aina mbili za kiroho, ambazo ili mtu afanikiwe katika maisha ya hapa duniani, ni lazima awe upande mmoja katka hizi mbili.
Nguvu zenyewe ni _MUNGU na SHETANI.
hizi nguvu zote zinatenda kazi, lakini hazipatani.
Hivyo mtu hawezi kufanikiwa Kama hayupo upande wowote mmoja wapo, na wala haiwezekani mtu kuwa pande zote mbili kwa wakati mmoja,  ni lazima mtu awe upande mmoja.
Kila nguvu inayo nafasi ya kutenda kazi kwa mtu alie upande huo, na alie tayari.

Kila upande wa nguvu hizi kunayo masharti, japokua masharti ya upande mmoja hayafanani na ya upande mwingine, ni tofauti kabisa.

Upande wa MUNGU masharti yake ni machache tu! Na tena yanafanana kwa watu wote wamuaminio, Kama ifuatavyo_
Usitende dhambi, usiache ibada yaani umuabudu MUNGU, usiwe mvivu yaani ufanye kazi zako na za MUNGU kwa bidii, usiache maombi, usisahau kutoa sadaka.
upande huu wa MUNGU hauna kafara, Kwani tayari MUNGU mwenyewe aliisha mtoa mwanae YESU KRISTO kuwa kafara pale msarabani kwa ajiri ya wote wamuaminio, hivyo hakuna sadaka ya damu (kafara).
Upande wa MUNGU upo msamaha, kwamba pindi mtu akisahau na kukosea/kutenda dhambi, akiomba msamaha/akitubu, MUNGU humsamehe mtu huyo, na wala hamfirisi/hamuondolei mafanikio aliyokua amempatia mtu huyo.

Upande wa SHETANI masharti yake sasa ni mengi mno, na hayafanani, mtu huyu anaweza kupewa masharti ya tofauti na ya mtu mwingine.
Kwa mfano_ huyu anaweza kuambiwa asiwe anakula nyama aina yoyote, asiwe anaoga ijumanne na ijumaa, asiwe anasafiri ijumanne,  hayo tu!
Lakini mtu mwingine akapewa masharti tofauti kama vile_ asiwe analala juu ya kitanda, asitembee na mwanamke nnje/tofauti na mkewe, asinywe pombe, nk, ili mradi tu masharti yao hayafanani,  hivyo kwa SHETANI masharti/miiko hua hayafanani, huyu hupewa tofauti na yule.
Kwa SHETANI kafara ni lazima, japokua mara nyingi kafara hutolewa kama adhabu, au hutolewa kama sehem ya matumizi ya utendaji kazi.
Kwa mfano_ mtu anaweza kutoa kafara ya damu ili mashetani wanywe wapate nguvu ya kumfanyia kazi yake ya mafanikio, kwakua damu ni Miongoni mwa vyakula pendwa vya kishetani.
Au kafara anaweza kutoa Kama adhabu ya makosa aliyo fanya, hasa kukiuka masharti aliyopewa.
Na kafara hazifanani, yaani kwa shetani mambo ni tofauti tofauti,  huyu anaweza kuambiwa atoe damu ya njiwa mweupe au mweusi au mwekundu,  mwingine akaambiwa atoe damu ya Kuku, au damu ya mbuzi, au damu ya n'gombe, au damu ya binadamu, hizo zote ni aina ya kafara.
Thamani ya damu inazidiana, na utendaji wa kazi zake nao unatofautiana, kwakua mafanikio yatakayokua kwa mtu alie toa kafara ya Kuku hayatakua sawa na yule alietoa kafara ya binadamu.

Kwa SHETANI hakuna msamaha, mtu akikosea ni adhabu tu! Tena wakati mwingine hata kunyan'ganywa yale mafanikio aliyokua kapewa.

Hivyo basi! Hakuna mtu anaeweza kufanikiwa kama hayupo upande wowote katika hizi mbili, ni lazima mtu awe upande wa MUNGU au upande wa SHETANI.
Hata Kama mtu ana kipaji, elimu, juhudi, bila kuwa na nguvu mojawapo ya kiroho katka hizi mbili, hawezi kufanikiwa.
Mafanikio yatokayo kwa MUNGU hayana majuto, lakini mafanikio yatokayo kwa SHETANI yana majuto makubwa Sana.
Hivyo basi! Ni vema mtu kumngoja MUNGU hata utakapofika wakati wake wa kubarikiwa na kuingia kwenye mafanikio, kuliko kufanya haraka kuyakimbilia mafanikio ya SHETANI ambayo huleta majuto, na mwisho wake hua ni m'baya zaidi.

             (Elisha Emmanuel rutale)

YALIYO MPATA MWANAMKE MPUMBAVU :

Hiki kisa unaweza Kusema ni hadithi tu! Lakini sivyo, bali ni kisa cha Kweli. Soma kwa makini, na ujifunze kutokana na makosa aliyoyafanya binti/mwanamke Kama  wewe.

Kijana alikua muuza magazeti ya kutembeza mkononi (machinga).
Kwakweli hali yake ya uchumi haikuwa nzuri, Kwani mshahara wake ulitokana na idadi ya mauzo ambayo angeuza kwa siku,  kipato hicho ndicho kilimuwezesha kupata mahitaji yake ya kila siku, pia kulipia kodi ya pango/nyumba aliyokua akiishi. Hakika kijana huyu alikua na hali ngumu, kwani chumbani mwake kulikua kuna ndoo mbili ndogo, moja ya kuogea, na nyingine maji ya kunywa, na kikombe kimoja tu!
Kijana huyu alikua na kitanda kisichokua na godoro, hivyo alitandika mkeka kwenye chaga, na usingizi ulikua unapita, na maisha yalikua yanaendelea.

Siku moja kijana akiwa kwenye harakati zake za kuuza magazeti, alimuona binti akiwa amesimama, akamsogelea,,,,,
Kijana,,,,,,,,,, habari yako,
nzuri,,,,,,,,,,,,,,,, aliitikia binti.
Kijana,,,,,,,,,,,,,Mbona umesimama hapa kwa muda  nini shida?
Aah! Kuna mtu namsubiria,,,,,,,,,,alijibu binti.
Kijana,,,,,,,,,,,,,,,,Okay, ninaweza kujua wapi unapatikana ili baada ya kazi nikutafute, tuzungumze machache?
Binti,,,,,,,,,,,,,,,nisikudanganye, sio rahisi kunipata nyumbani, kwani wazazi wangu ni wakali sana, rabda nitakuja huku tena kesho tutaonana tutaongea.
Kijana,,,,,,,,,,,,,,,Pouwa! Mida gani?
Mida kama hiihiii!nitakuja,,,,,,,,,,,,,,alijibu binti huku akielekea kwenda kukutana na mtu aliekua amemsubiria, ambae alionekana ni mama wa umri kama mama yake.
Waliondoka, na kijana aliendelea na kazi yake ya kukata mitaa, kutafuta wateja wa magazeti yake 
Kesho ilifika, na binti kwa uaminifu kabisa alifika sehem ile mida ile ile waliyo patana,  muda kidogo kijana nae akawasiri.
Mambo,,,,,,,,,,,,kijana alimsalimia binti.
Pouwa,,,,,,,,,,,binti aliitikia.
Da! Mimi nilidhani hautakuja, nilijua umenidanganya, maana watoto wa mjini wengi waongoo!!!,,,,,,,,,,,aliongea kijana yule, huku akimpa ishara ya kua waondoke maeneo yale.
Binti,,,,,,,,,,,,,,,,kwa nini nikudanganye, kwa faida gani, kama ningerkua siji ningekuambia tu kwamba sitokuja.
Walielekea sehem kulipokua kunauzwa vinywaji, wakachukua viti na kuanza mazungumzo yao. Kijana akamuelekeza binti anapoishi, akampa na ratiba ya mida gani huwa anakua amekwisha rudi nyumbani ili binti aweze kumtembelea. Binti alimsihi kijana yule kwamba endapo atakua akienda kwake asiwe anamchelewesha kurudi nyumbani, Kwani wazazi wake ni wakali mno.
Kijana alimuahidi kufanya sawa na binti alivyo sema.

Wakaanza Mahusiano ya kimapenzi, wakapendana vilivyo, wala binti hakuona hali duni ya uchumi wa mpenzi wake kua ni kitu, japokua binti kwao mambo yalikua safi, na baba yake binti alikua mfanyakazi mstaafu, hivyo kwao na binti hakukua na shida ndogo ndogo, lakini tayari alikua amekolea kwa kijana maskini, muuza magazeti, mwenye kitanda kisichokua hata na godoro.
Mapenzi yaliendelea, lakini waswahili wanasema _PENZI NI KIKOHOZI HALIFICHIKI.
Tayari wazazi wa binti wakagundua kua binti yao anamimba. Tayari wakamfukuza nyumbani, binti akakimbilia kwa mpenzi wake, maisha ya mme na mke.
Kijana hakuwa na sufuria ya kupikia wala bakuli wala sahani wala mwiko,  ilibidi waanze kuishi kwa kula mgahawani, baada ya siku chache walipata vyombo vya kuanzia maisha vile vya mhim kwanza, maisha yakaanza kusonga mbele.

Kijana aliendelea na kazi yake ya kuuza magazeti.
Siku moja kijana anafika ofsini kwao, anakutana na msiba, nani?, bossi wake amepata ajali na kupoteza maisha.
Wakafanya msiba, hatimae msiba ukaisha.
Sasa ofisi haina msimamizi, bossi, hivyo ikabidi mwenye kuihitaji nafasi ile ajaze fom, Miongoni mwa wachache walio jaza fom, kijana yule baba harusi mpya akaibuka ushindi na kua bossi. Furaha ya ajabu aliyo fika nayo nyumbani kijana yule, na kumhadithia mkewe jinsi ambavyo MUNGU amewakumbuka na wao.

Sasa maisha yalianza kubadilika, kijana akanunua vitu vyote mhim vya ndani, tayar nyumba waliyokuwa wakikaa ikawa haina kiwango chao, wakatafuta nyumba nzuri ya gharama, yenye hadhi, yenye usalama wa kutosha, maisha yakawa burudaani!!!
Kutokana na namna ambavyo kijana allipenda kazi yake, na kuifanya kwa ufanisi, alimpata tena nafasi ya kuwa mkurugenzi wa gazeti ya FEMA mkoa, hivyo yeye ndie aliekua mpokeaji, msambazaji, na msimamizi wa gazeti la FEMA katka shule zote za secondary mkoa wote.
Basi posho ikaongezeka, kipato kikapanda, ofsi yake ghorofa ya pili juu! Mambo yakawa good.

Kijana akaona sasa anapesa, hivyo ni vema amuwezeshe na mkewe, ili nae awe na kitu/kazi ya kufanya.
Mwanamke akaitaji apelekwe veta ili ajifundishe ufundi,  veta akapelekwa,  akawa fundi mzuri Sana wa cherehani.
Kijana akaona si vema mkewe afanye kazi moja tu ya ufundi, akamfungulia duka la nguo spesho, nnje mbele ya duka lake mwanamke akaweka cherehani, akawa akishona, na kuuza duka.
Siku si nyingi mwanamke akasema yeye kazi ya dukani na kushona hawezi, bora akae nyumbani alee mwenyewe watoto wake, kwani tayari walikua wameisha pata watoto wawili ambao walitafuta yaya akawa akibakia nao nyumbani 
Mwanamme akasema sawa mke wangu, wewe ndie mke wangu kipenzi, tulieanza wote maisha ya taabu, chochote utakacho nitakufanyia.
Mwanamke akasema nataka nikae nyumbani niwe nauza maji baridi (kandoro) na ice cream, hivyo ninunulie Friji na friza,  kijana akasema kwa hilo ondoa Shaka mke wangu nitafanya.
Mwanamke akarudi nyumbani akaanza kuuza maji na ice cream, kule dukani wakaweka mfanya kazi/ msaidizi,  ambae pia alikua fundi ili kuitumia cherehani.
Mwanamke kafanya ile kazi, mara kazi ile nayo ikawa ngumu,  akamwambia mmewe, hii kazi imenishinda ninachoka Sana mgongo kwa ajiri ya kukaa muda mrefu kufunga maji na ice cream, naomba tu niiache.
Mwanamme akasema ondoa Shaka mke wangu, wewe ndio mke wangu, na mama watoto wangu, mimi sjashindwa kuwatunza, na kumbuka tuliko toka na tulipo kwa sasa, hebu tulia lea/hudumia watoto wetu wafrahi na mama yao.
Mwanamke akawa mama wa nyumbani.
lakini kumbuka kua ukiwa hauna kazi, shetani nae atakupa kazi ya kufanya.
Mwanamke yule akaanza tabia za uzinzi/umalaya, ikawa mme wake akiondoka kwenda kazini, na yeye anaanza ujinga wake wa uzinzi.
Mwanamme akalijua hilo, kwakua alikua anampenda, alivyokua akikumbuka walipotoka kwenye hali mbaya ya uchumi, hakupenda kuchukua maamuzi ya haraka, bali aliendelea kuvumilia, huku akizidi kufanya uchunguzi, na kutafuta ushahidi wa yale anayo fanya mkewe,  ili pindi atakapo fanya maamuzi kusiwepo lawama.
Mwanamke aliendelea na tabia yake ya uzinzi, hadi ilipofikia kukosa heshima kwa mmumewe.
Vituko vikawa haviishi ndani, mwanamke anamuinukia mmewe kwa matusi na kashifa, mara ooh! Mmewe hajui mapenzi, kwamba wapo wanaume wanao jua mapenzi na wala sio mmewe, sms zinaingia holela, simu zinapigwa bila mpangilio kutoka kwa wapenzi wake, mbele ya mmewe.
Kwakweli Vituko vilizidi hadi mwanamme akashindwa kuvumilia.
Siku moja nilikwenda kwao, kwakua yule kijana alikua rafiki yangu Sana, siku hiyo nilifika Kama kawaida sehemu ikiwa kwa rafiki yako wa kweli, unakua hauna mashaka ya mazingira, nikafika nasukuma mlango wa sebuleni ili niingie, ile tu naingia nilikutana na kituko cha ajabu pale sebuleni alichokua akikifanya yule Shemeji yangu,,,,,,,,

        Nini nilicho kiona dhidi ya mwanamke yule?
               Usikose kuwa nami pale nitakapo kuletea mkasa huu kwa awamu ya pili.

HASARA ZA KIMAPENZI :

mapenzi ni kitu cha kuvutia na cha kupendeza, pale tu ambapo wapendanao walifanya maamuzi sahihi na yasiyokua na majuto.
Lakini mapenzi yana maumivu makubwa yanayo ambatana na hasara za mipango ya kimaisha, pale tu wapendanao wanapo anza kutofautiana.
Kuna watu wengi ambao mipango yao mingi na mikubwa imeharibika kwa sababu ya hasara za kimapenzi.
Kuna watu wamefirisika walikua na biashara kubwa kubwa, kuna watu wamepoteza hata nafasi zao za kazi kwa sababu ya hasara za kimapenzi.
Upo uwezekano mkubwa hata wa mtu kuukosa ufalme wa MUNGU, kwa sababu tu amevurugwa na mpenzi wake.

Kuna Ndugu mmoja mkoa (nauhifadhi) yeye alikua mfanya biashara mkubwa tu, lakini walipo anza kutofautiana na mkewe, mambo yalianza kuharibika.
Ilibainika kua mwanamke alikua akichota pesa kwa Siri na hatimae kwenda kujenga nyumbani kwao.
kwakua Mali ile waliitafuta wote, ilikua ngumu kwa Jamaa kumtoa kwenye biashara mkewe. Hivyo basi ilikua ni mashambulizi, kila mmoja akawa akiuza anachukua chake, hatimae biashara ikafika ukingoni, na Mahusiano ya mapenzi yao yakaishia Hapo.

Kuna binti mmoja alijinyonga kwa sababu ya mapenzi. Binti huyo alikua na Mahusiano na kijana ambae hakua mkweli, Kwani tayari kijana Yule alikua anamwanamke alimuacha kijijini kwao.
Kijana Yule alikwenda mjini kutafuta maisha, ndipo alipo kutana na yule binti na kuanza Mahusiano kisha wakaanza kuishi kama mke na mme.
Maisha yalikua mazuri kiasi kwamba Yule kijana alikua anakwenda kuchukua biashara nnje ya nnchi, na nguvu kubwa ya mtaji ilikua ya Yule binti, Kwani binti Yule alikua mfanyakazi kwenye kiwanda cha vinywaji, kitengo kikubwa tu cha mshahara wa kutosha.
Mapenzi yao yalikua moto moto, kwakua kila mmoja wao alijitahidi kumuonyesha mwenzie mambo mapya ya kimapenzi kila siku.
Binti alimpeleka kijana nyumbani kwao, na hatimae wakaowana kabisaa! Lakini kijana Yule alikua amekwisha oa mwanamke kijijini kwao, tena kwa ndoa halali ya kanisani. Na tena mkewe huyo alikuwa na watoto wawili.
Baada ya taalifa kufika kijijini kwao na kijana kua kwa sasa mambo yake ya kifedha yako vizuri, ilibidi mkewe huyo wa kijijini aende kumtafuta mmewe, na hatimae alimpata, na mmewe ilibidi amkaribishe nyumbani kwani hakuona vyema kuwakataa watoto wake ambao ni damu yake mwenyewe.
Jambo hilo likawa jipya na geni machoni pa binti Yule ambae ni mkewe mdogo wa mjini kwakua hakulijua toka mwanzo, yeye alijua kua yuko peke yake.
Kutokana na jinsi alivyo kua akiheshimika pale mtaani, na kazini kwake, na jinsi alivyo mpokea Yule kijana toka kijijini, na jinsi walivyokua wakishirikiana, na mipango na ahadi nyingi walizokua wameweka mbele yao, Yule binti alikosa uvumilivu, hatimae akaamua kujinyonga.
Ninayo mifano/visa vingi tu vya kuonyesha athari zinazo weza kumpata mtu endapo tu hakuwa makini kwenye maamuzi ya kuchagua mpenzi anaefaa.
Lakini ukweli ni kwamba zipo athari kubwa za kimapenzi zinazo weza kumpata mtu asipokua makini mwanzo.
Hauwezi kuwa baba wa familia bora Kama utakosea kwenye maamuzi ya kuchagua.
Hauwezi kuwa mama wa familia bora, kama utakosea kwenye maamuzi kuchagua.
Hauwezi kuwa na familia yenye malezi bora, kama ulikosea kwenye maamuzi ya awali.
Jamii inayo kuzunguuka, majirani, rafiki zako, wafanyakazi wenzio, hawawezi kukuheshim Kama haukuwa makini kwenye maamuzi yako ya awali ya kuowa/kuolewa, kwakua ili nyumba yako iwe imara ni lazima uwe makini Sana kwenye ujenzi wa msingi, lakini endapo tu utaboronga kwenye ujenzi wa msingi, basi nyumba yako /jengo,  haitakua imara, haitadumu muda mrefu, ipo sku itakuangukia na kukuaibisha.

        Uwe makini Sana unapofikia wakati wa kufanya maamuzi ya kuchagua mke/mme, kwakua ukikosea Hapo, umekosa, furaha, Heshima, pesa, afya, ufalme wa MUNGU, nk.

Rafiki wa kweli ni yupi?

Rafiki ndie mtu pekee wa karibu.
Rafiki ndie msiri wa rafiki yake.
Ndio maana ni vema kuwa makini Sana wakati wa kuchagua rafiki, kwakua rafiki anaweza kukusaidia, pia rafiki anaweza kukuangamiza.
Unaweza Kua umeoa lakini mkeo akawa mkeo tu, na asiwe na sifa ya kuwa rafiki yako.
Unaweza kua umeolewa lakini mmeo akabakia kuwa mmeo tu, na asiwe na sifa ya kuwa rafiki yako   Unaweza kubadilika kitabia au ukawa mwema, au ukawa m'baya kutokana na rafiki ulie nae.
Sio kila mtu alie karibu nawe anastahili kuwa rafiki yako, kwakua rafiki ni nafasi kubwa, na ya pekee ambayo kabla haujampa mtu nafasi hiyo unapaswa kumchunguza Kama anastahili kupewa, kwakua ndoa nyingi zimevunjika Kwasababu ya rafiki. Biashara nyingi zimekata kwa sababu ya rafiki. Hata kuna watu wameuwawa na marafiki walio waamini kabisa.
RAFIKI WA KWELI lazima ujue viwango vyake vya upendo Kwako. Ujue viwango vyake vya hekima na busara. Ujue kua kwake yapo mambo mazuri ambayo unaweza kijifunza, asiwe mwenye mambo ambayo ukiiga yatakuangamiza.
KWA MFANO_ akina Dada, rafiki yako akiwa kahaba/changudoa ni lazima nawewe utakua hivyo, kwa sababu upo muunganiko wa ushirikiano kwenye ulimwengu wa roho ambao lazima utajidhihirisha katika mwili.
MFANO_ akina kaka, kama rafiki yako akiwa teja/mwizi/mlevi/mvivu/nk, lazima na wewe utakua na tabia Kama zile, kwakua Miongoni mwa mambo ambayo marafiki hufanana ni pamoja na kuwaza, kula, kustarehe, nk.
Jambo la kufanya kabla hauja fanya maamuzi ya Yule kuwa rafiki yako, ni lazima ujue kua Je! Kuna mambo mema mazuri ambayo anayo rafiki yangu mtarajiwa, ambayo nitajifunza kutoka kwake? Je! Ni mazuri Kweli?
Na Kama rafiki yako mtarajiwa Hana sifa njema basi achana nae, pia nafasi ya urafiki usimpatie, kwakua ni HELI UWE PEKE YAKO, KULIKO KUWA NA RAFIKI WA HASARA NA WA KUKUANGAMIZA. rafiki mnafiki.

Tabia zitakazo kufanya umfaham mpenzi asie kufaa.

Watu wengi wamekua wakiteswa/wakiteseka na mapenzi, wengine wamesusa na kuapa kua hawatapenda tena! Lakini si Kweli Kwamba kufanya hivyo ndio suruhu ya maumivu yaliyo wahi kuwapata.
Kwa sasa nataka niwatahadharishe vijana wa kiume, kuhusu tabia ambazo zinaweza kuwasaidia kujua kama mpenzi alie nae hamfai endapo atamuona ana tabia Miongoni mwa hizi zifuatazo.
1_umekaa na mpenzi wako mahali frani, tangu mlipo kutana mpaka mnaagana vidole vyake havitulii kwenye cm, yeye ni kupokea sms na kutuma sms, na ukimtazama kwa makini unaona yuko busy na cm kuliko kua busy na wewe, ujue huyo hampo nae kwenye mapenzi ya Kweli, huenda wewe ni wa ziada.
2_hakupigii cm mpaka umpigie wewe, hata ukimtumia Salio hua hakupigii cm, mpaka wewe umpigie, ujue huyo hampo nae kwenye mapenzi ya Kweli, huenda wewe ni ziada.
3_anataka matumizi Kwako ya juu kuliko anavyo kiona kipato chako, sku usipo mtimizia mahitaji yake ya kipesa, anakususa kwa siku kadhaaa.
4_Pindi anapokukosea haombi msamaha, hapendi kuwa chini yako.
5_hapendi ushauri wako, na wala hajawahi kukuomba ushauri hata siku moja.
6_anapenda kukosoa maisha ya wengine, anajiona yeye ni bora kuliko watu wengine.
7_hua ukimpeleka nyumbani unapoishi lazima akosoe jitihada za mandhari yako, na kukuvunja moyo kwa kile ulicho jitahidi kufanya kadri ya uwezo wako.
8_hapendi kukushirikisha mipango yake ya kiuchumi, wakati mwingine hataki ujue kabisa!
9_hapendi uwe unakwenda nyumbani kwake, kwao.
10_hauna uhuru na cm yake huenda hata passward ya cm yake hauijui.
KAMA UTAONA TABIA HIZI KWA MPENZI WAKO BASI CHUKUA HATUA, KWAKUA HIZO NI DALILI TOSHA ZA KUJUA KUA HUYO NI MPENZI WAKO WA KWELI, AU NI JAMBAZI NA TAPELI LA KIMAPENZI.
           hii inawahusu akina kaka kuwafaham wapenzi wao.

Bidii bila MUNGU ni bure

Watu wengi wamejitahidi kutafuta maisha kwa bidii zao zote, lakini walio wengi wamekua wanatumia nguvu nyingi, mafanikio yanakua kidogo.
Kwanini?....
Kwasababu kila mafanikio yana nguvu ya ziada ya kiroho, ambayo bila hiyo hakuna mafanikio.
Kwa wasomaji wa biblia watakumbuka kisa cha daudi na goliathi, daudi hakutumia nguvu nyingi Kumuangusha goliathi, bali alitumia jiwe moja tu! Miongoni mwa mawe matano aliyo kua nayo.
Kwa nini?..
Kwa sababu alikua na nguvu nyingine ya kiroho.
Walikuwepo watu mastadi wa Vita, na wenye zana zote za kivita za enzi zile, lakini hawakuweza kumpiga goliathi, kwa sababu hawakua na nguvu za kiroho ndani yao, bali walizitumainia nguvu/maalifa/akili zao ambazo hazikuwasaidia.
Hivyo basi mafanikio hayatamfikia mtu Kwa sababu tu anabidii Sana, bali kwa sababu ndani ya bidii zake Iko nguvu ya MUNGU itendayo kazi, ambayo ndiyo hasa itakayo mfanya mtu atoke chini kwenda juu.
Hivyo basi bidii bila MUNGU ni kujichosha kusiko na mafanikio.